Lalín acollerá un debate sobre a "eficiencia" e a "viabilidade" dos concellos no século XXI

Europa Press - sábado, 10 de mayo, 19.37

SANTIAGO DE COMPOSTELA, 10 (EUROPA PRESS) - A localidade pontevedresa de Lalín acollerá, entre os días 19 e 21 de maio, un debate sobre a "eficiencia" e a "viabilidade" dos concellos no século XXI a cargo da Universidade Internacional Menéndez Pelayo (UIMP).

Dirixido por un profesor de Xeografía da Universidade de Santiago de Compostela (USC), Román Rodríguez; participarán catedráticos e profesores de distintas universidades nacionais e exteriores; os alcaldes de Pontecaldelas, Zas, Lugo e Culleredo; e representantes dos principais partidos políticos, entre outros.

Esta iniciativa, coa que a UIMP abrirá a súa programación de verán para o ano 2008, servirá para analizar a reestruturación do modelo territorial de Galicia; e os interesados poderán inscribirse ata o venres. Ademais, os estudantes das tres universidades galegas contarán cun desconto do 50 por cento na matrícula, o importe da cal ascende a 123 euros.

• Envía esta noticia
• Compártela por Messenger
• Versión imprimible

Recomienda este artículo

Enlaces patrocinados

(¿Qué es esto?)