Euskalmet Meteorologiaren Euskal Agentziaren iragarpenaren arabera, bihar arratsaldean fronte hotz batek Kantauri itsasoa zeharkatuko du eta arratsalde-gauean eguraldiak txarrera egingo du. Dena dela, egunaren ordu gehienetan zerua hodei gutxirekin egongo da, erdi mailako hodei eta goi-hodei batzuk salbu. Arratsalde-gauean zerua estalia geratuko da eta euri txikia egingo du, azken orduetan batez ere. Seguir leyendo el arículo
Goizean hego-mendebaldeko haizeak joko du, bizi, bolada gogorrekin eta bolada oso gogorrekin haizeguneetan. Arratsalde-gauean haizeak mendebal/ipar-mendebaldera egingo du. Tenperatura maximoak jaitsi egingo dira.
Itsasoan mendebal-osagaiko haizea ibiliko da, goizean hego-mendebaldekoa nagusituz eta mendebala arratsaldean, 4-5eko indarrarekin eta 6ko tarteekin, gauean ahulduz. Itsaskia edo itsaski handia eragingo du, itsaso zakarreko guneekin iparraldean. Ipar-mendebaldeko hondoko itsasoak 2,5 metroko olatuak altxatuko ditu goizean eta 3,5 metrokoak gauean.
Uraren tenperatura 15-16 gradukoa da eta ikus-eremua hamar kilometrotik gorakoa izango da. Itsasgorak 9:15ean eta 22:01ean izango dira, eta itsasbeherak, 2:55ean eta 15:36an.
